لما تحس ..بقلم أ.حسام

* لما تحس*

لما تحس انها مجروحه
وكل بيبان الخوف
مفتوحه

لملم خوفها
ف بحر حنانك

ضمها جداً
بين أحضانك

سيب أبواب الشوق
مفتوحه

لم تحس انها مجروحه

حاول تفهم
سر وجعها

ان بعدت
لهواك رجعها

اوعى تسيبها
ف يوم
مجروحه

احميها
حتى من روحها

خفف عنها
كل جروحها

ضمها ليك
خلي عنيها
تدوب ف عنيك

وأحضن عينها

على غدر الأيام
روح عينها

والضم أحلامك
بسنينها

وان بكيت
على كتفك سيبها

الدمعة ف حضنك
مسموحه

لما تحس انها مجروحه

خلي طبيبها
لمسة ايدك

خليك عيدها
خليها عيدك

جدد ف خدودها
مواعيدك

والأحزان عنكم
مطروحه

لما تحس انها مجروحه

قدر خوفها
ضم كفوفها

كمل لحنك
من شفايفها

تلقى غناها
يهز مشاعرك

وتعيشوا مشاعر
مسموحه

لما تحس انها مجروحه.
* حسام