*مش فارقه *...حســـام شاعر الحياة

ولأول مره منيش خايف..
من ساعة الجد..
ولأول مره مهيش فارقه..
لو افارق حد..
ولأول مره يطول الليل..
مع إن الشمس بتندهلي..
من سبت لحد..

ويفوت الحد..
ووراه ١٠٠ حد..
ولقيتني أنا بكتب زي زمان
مش حابب حد..
مش كاره حد..
مش طالب من دنيتي غير..
ترحمني بجد..
وتشيل من سكة قلبي الويل..
وتشيل ١٠٠ سد
يا سلام لو مره ف يوم أصحى
ألقى الأحلام تتحقق جد..
وقصور الوهم إللي بنيتها..
على طول تتهد..
يا سلام لو كل الناس فجأة
بقو بني آدمين..
بيخافو على بعض..
بيحبو ف بعض..
كانت دنيتنا هتتغير..
ولأبعد حد..
لكن يا خساره الناس صبحت..
بتعض ف بعض..
وبتاكل بعض..
والكل آهو عايش بيعربد
بالطول والعرض..
والفهلوه صبحت شيئ عادي..
وبلادي مهيش هي بلادي..
والأرض الخضرا بقت تصرخ
تجريفها أصبح شيئ عادي..
وعقولنا معاها بتتجرف..
صبحت ع الأرض..
أنا سلبي!!
أو كدا خلوني..
يوم ما الأشباح
جوم وزاروني..
في الحلم.. وياما سحلوني
وساووني بالأرض
خلوني مشيت اكلم نفسي
وجابولي كل اللي ف نفسي!!
كان نفسي أعيش واخد نفسي..
خدو نفسي ع الباب ورموني..
على مد اليد
خلوني بقيت جورج كلوني..
أنا أجمل من جورج كلوني
أنا أشهر من جورج كلوني
أنا طالع عين اللي جابوني
وبعاني بجد
أنا آسف جداً سامحوني..!!
دانا أحسن واحد خلوني.
خلوني أشوف نارهم جنه و...
علقمهم شهد
*حسام